Quen somos?

Andando o ano 1974, cando un grupo de veciños e veciñas do barrio do Calvario, Vigo, comparten a necesidade de crear unha Asociación de Veciños que fose capaz de reivindicar ante as autoridades competentes as necesidades e inquedanzas de toda a veciñanza, co obxectivo de mellorar e canalizar todas as carencias deste barrio. Por este motivo se reúnen, co obxectivo da sua fundación, o día 28 de xaneiro de 1975, para por en marcha a devandita Asociación. Unha vez constituida, apróbanse os estatutos con data 16 de setembro de 1976, e rexístranse no rexistro municipal de asociacións, o 26 de maio de 1987.

Entre as reinvidicacións desta Asociación cabe salientar:

Peatonalización da rúa Urzaiz entre Gregorio Espino e rúa Ramon Nieto, así como a humanización das rúas adxacentes.

Rehabilitacion Edificio Bandeira.

Estación de Autobuses e accesos.

Escola de Idiomas.

Pabillón Santa Cristina.

Piscina Casa De Labradores

Misión da Asociación

• Defender os intereses xerais dos veciños, en calidade de usuarios e destinatarios finais de actividades urbanísticas, culturais, deportivas, educativas, sanitarias, vivenda social, económicas, de consumo etc… e fomentar as actividades máis doadas.
• Informar e apoiar os veciños en canto a cuestión afecte ó seu interese social.
• Asumir a representación e agrupar a todos os  veciños adoptando as resolucións que pola súa importancia afecten aos intereses dos mesmos, de forma individual ou colectiva ó aos intereses do barrio e por extension da cidade
• Canalizar as inquedanzas dos asociados.
• Fomentar a participación como instrumento de defensa dos intereses dos veciños.
• Velar e exixir o cumprimento por parte da administración dos dereitos recoñecidos ás Asociacións como entidades de interese xeral e de participación, nas leis do estado, regulamentos e a lei municipal e de réxime local.